A NOSA ROSA DOS VENTOS: ALÉN DO MAR!

Nalgúns lugares de Galicia e do mundo, pola súa importancia ou traxectoria en relación ao mar, teñen nos seus xardíns ou preto de monumentos emblemáticos a “Rosa dos ventos”.

Preto de nós atopamos algunhas, como por exemplo en Ferrol, preto do Museo Naval, ou na Coruña, a carón da Torre de Hércules. Aquí podedes ver unhas imaxes:

Nas clases de 1º, 2º, 3º e 4º, traballamos moito sobre a rosa dos ventos: investigamos sobre quen a inventou, manipulamos o compás para poder situar os puntos cardinais, debuxamos a rosa dos ventos e un longo, etc...

Incluso dende Illa fantasía, “Brújula” cando veu polas aulas, nos ensinou a colocar os puntos cardinais coa axuda do compás, e deixounos uns unicornios preciosos para marcalos.

Pero… como todos “Somos un cos demais”, decidimos facer unha actividade colaborativa. E xa que estudamos que os lugares que teñen un traxectoria importante co mar teñen unha rosa dos ventos, a nosa escola tamén terá unha!

E para rematar, como nesta actividade foi moi importante o que aprendemos con ”Brújula”, decidimos poñela na nosa rosa dos ventos, marcando o Norte para non perdelo!!

Aquí deixamos unha foto para que a vexades. Desexamos que vos guste tanto como a nós!