INVITACIÓN Á EXPOSICIÓN DO PDI + ARTE

 

CLUB DE LECTURA - PAPÁ CANÍBAL

   

O alumnado de terceiro vén de rematar o libro "Papá Canibal" de Antonio M. Fraga. Trátase dunha novela disparatada, enxeñosa, macabra e tremendamente divertida, na que mesmo poderás escoller o final!! Fedora está farta de que o abusón do cole se meta con ela, así que decide asustalo contándolle que o seu pai é un caníbal. O Efebeí, un policía fóra de servizo por non facer nada ao dereito, inicia unha investigación pola súa conta sobre o suposto caníbal para tentar recuperar o prestixio perdido e poder reincorporarse ao traballo. A partir de aquí iníciase un atolado enredo que ten lugar durante a noite do Samaín.  

O mércores 18 de maio Antonio M. Fraga estivo na nosa escola, encontro có que quedamos encantados, e recibimos os parabéns do escritor ante o noso coñecemento da obra e as apreciacións sobre a mesma.

Letras Galegas 2022

O 17 de maio celebramos o Día das Letras Galegas e no colexio fixemos un vídeo  sobre o tema "Terra" do grupo musical Tanxugueiras, para reivindicar a nosa galeguidade nunha data tan importante para nós. 

Agardamos que vos guste!

STOP ACCIDENTES

     

 STOP Accidentes é unha organización cidadá sen ánimo de lucro, fundada por familiares e amig@s de vítimas de sinistros de tráfico. A súa labor ten como compromiso poñer en marcha os procesos que melloren a convivencia e o respecto á vida dos demais na mobilidade cidadá.

    Dende hai anos levan a cabo programas nos centros escolares para promover a educación viaria e os camiños escolares seguros.

    No noso centro están a levar a cabo unha serie de actividades, que agardamos axuden á consecución dun entorno escolar máis seguro. 

    Así pois, o pasado 11 de febreiro levouse a cabo unha videoconferencia para falar sobre a seguridade vial co alumnao, máis concretamente na seguridade vial en Pontedeume.

    A segunda das actividades foi o pasado 6 de maio, que consistiu en facer co alumnado de 3º de Primaria unhas chapas nas que tiñan que engadir algunha mensaxe relacionada coa educación viaria e a prevención de accidentes. 

    Esta actividade permitiu ao alumnado debatir sobre a importancia de distintos temas relacionados coa seguridade viaria no día a día, e sobre o comportamento de cada un de nós.