Club das Letras: A narradora do deserto. 1º trimestre

 CLUB DAS LETRAS: A NARRADORA DO DESERTO
1º Trimestre

   Este ano na escola estamos levando a cabo un proxecto chamado: "O Club das letras". É un proxecto de innovación educativa co obxectivo de potenciar o emprendemento, o pensamento crítico e creativo nas área das Humanidades, as Artes e as Ciencias Sociais. Cada ano partirá dunha temática concreta sobre a que se fomentará a reflexión, a lectura crítica e a achega a novos materiais e perspectivas, abordada de xeito transversal.  Para o curso 2019/2020 o tema escollido é a igualdade (contribución desde un punto de vista literario, artístico, filosófico ou histórico a cuestións relacionadas coa visibilización das mulleres, do seu rol na sociedade e/ou representación das mulleres ao longo da historia).

Durante tres sesión consecutivas, na biblioteca do cole, a mestra Maria Cascallar (membro da BE), traballou coa aulas de terceiro a obra; A NARRADORA DO DESERTO.

Unha historia increíble que conta a vida de Amira, unha coidadora de cabras, que desexa que chegue o final do día para facer o que máis lle gusta... narrar contos!!

 

A través desta historia coñecemos outras historias como o conto: "As mil e unha noite" e a súa protagonista Sherezade (a nai de todos os contos do Mundo Oriental , que loitou pola súa vida e a das mulleres do reino a través de contar contos o Sultán do reino.)

Vimos dous vídeos na aula para comprender mellor o que imos traballando na biblioteca.

Reflexionamos sobre o papel das mulleres neste conto e sobre o que fixo Sherezade.

Foi moi interesante!!

A continuación, elaboramos unha composición de texto escrita  que podedes ver a continuación.

Outra das historias que tamén coñecemos foi a de "Simbad o mariño". Un pobre cargador do porto de Bagdad que soñaba con saír da pobreza e que se embarcou para vivir moitas aventuras e superar grandes dificultades para poder mellorar a súa situación persoal. Logo de ler as súas aventuras, fixemos unha composición escrita que podedes ver nos corredores do noso cole.

2ª SESIÓN : Nesta sesión seguimos coa lectura da historia de Amira e falamos do traballo de investigación de Sherezade e de Simbad.
Sorprendeunos moito a historia... Amira emigraba do seu pobo pola falta de nenos/as para contar historias.
Mari contounos como moitas mulleres e homes teñen que marchar das súas casas para buscar unha vida mellor deixando toda a súa vida. Visionamos un documental elaborado polo marido de Mari Cascallar onde puidemos ver esceas reais de persoas  que viaxan nunha patera e como moitos deles ás veces non sobreviven.

 

   

Nesta ocasión , tamén nos sorprendeu cunha nova investigación.

Neste caso : A LENDA DA PONTE DE PEDRA-LENDA DA PONTE DO DEMO.

Buscamos información nas nosas casas e mais na escola e aprendimos que a lenda da ponte de pedra ten moitas versións.

Nos quedamos con esta versión (premede na imaxe para coñecer a lenda).

Un compañeiro da clase ata escribiu a información na casa do avó para poder contala aos compañeiros/as.

3ª SESIÓN:  Nesta última sesión coñecemos o final da historia de Amira, un final que nos emocionou e nos fixo reflexionar sobre a situación de miles de persoas que, como Amira, sofren as consecuencias da guerra, da fame ou da seca, e que teñen que emigrar do seu pobo natal na procura dun mundo mellor, embarcándose nunha viaxe incerta e perigosa que non sempre ten un final feliz.

No caso de Amira, o seu final acaba nun centro para inmigrantes cun encontro moi especial. Pero como o libro nos encantou, e o seu final queda moi aberto, decidimos que nas aulas escribiremos distintos finais para o conto "A narradora do deserto".  E tamén, ao igual que Amira, crearemos contos e historias a partir de contos populares ou libros  que temos na biblioteca, para así poder contarllos aos compañeiros e compañeiras do cole.

Cando os teñamos tamén quedarán expostos nos corredores do noso cole ou na Biblioteca.

Agardamos que vos gusten os nosos traballos!!!

                

                

25 -N Bótalle un cabo a igualdade e a non violencia

 Unha nova carta chegou dende a Illa. Nesta ocasión o Mago Alfa contanos que hai un problema enorme .. a serea Saladina cortouse cunha lata que había no mar. Dinos que isto sucedeu por culpa dos habitantes do noso planeta que estamos a encher o mar de lixo!!!

Grazas a Dama Gris que cunha mestura de : sal, algas Nori, cunchas de santiaguiños e herbas de namorar consigue cauterizar a ferida e a serea curase. Pero aínda así, na Illa e en Isótita están moi preocupados!! Estamos contaminando o mar!! Polo que necesitan axuda!!

Tamén conta a carta que a finais de novembro, para entrar en Isótita, os habitantes levan unha pulseira de cor violeta ( cor desta cidade sumerxida). As algas nori , en Isótita, simbolizan  a non violencia e a igualdade. As empregan como alimento e  tamén as deixan secar anudadas aos troncos das árbores ou colgadas das súas pólas cando finaliza  o mes de novembro, lembrando cando se creou Isótita.


O Mago Alfa fala da importancia de pedir axuda á capitá Mariana para  salvar os océanos, polo que necesita consultar O  libro Prohibido, O Gran Libro Violeta, onde se recolle o nome das mulleres máis poderosas da Illa: Mulleres de auga, de lume, de aire e de terra.


A capitá Mariana necesita unha tripulación moi especial, polo que é necesario consultar o libro Prohibido e formar así a súa tripulación.


Nesta ocasión , o Mago Alfa coméntanos que si querermos celebrar, ao igual que na Illa, a liberdade, a igualdade e a non violencia, realicemos obxectos violetas reciclando e empregando mateirais o máis naturais posibles e escribir palabras contra a violencia de xénero neles. Desta forma, entre todos/as contruiremos un gran cabo que una Isótita coa nosa escola, e as palabras que escribimos formarán parte do Gran Libro da Illa.

Todo o cole, celebrará o día 25 de novembro seguindo as indicacións do Mago Alfa. Polo que trouxemos ,das casas, rolos de papel hixiénico para reciclar e pintar de violeta e con papeis reciclados escribimos palabras contra a violencia de xénero.


Aquí deixamos algunas fotos do noso traballo:

Con todos os rolos de papel , fixemos un gran cabo que uniu  a nosa escola con Isótita e colgamos una lona da cidade sumerxida de Isótita para simbolizar o acto.

Chegou o día!! Día 25 de novembro de 2019.


Conmemoramos o día no cole. Todo  o alumnado se xuntou na entrada e escoitamos un maravilloso discurso da mestra Damaris, que nos falou sobre a importancia de aprender a convivir.
Explicounos que aínda que somos diferentes... somos iguais, e que a base para conseguilo, versa nos tres principios de Isótita: LIBERDADE, IGUALDADE E NON VIOLENCIA!!


A  profe Cris , coa axuda dos titores/as, preparamos una canción para cantar e bailar neste día tan importante. Vivir de Rozalén e Estopa.

PREPARANDO O 25N - DÍA INTERNACIONAL CONTRA A VIOLENCIA DE XÉNERO

    O vindeiro día 25 de novembro, celébrase en todo o mundo o Día Internacional contra a violencia de xénero.

   No colexio faremos unha actividade para conmemorar este día tan importante, interpretando a canción de Rozalén e Estopa "Vivir".

    Aquí vos compartimos este tema musical e a letra da canción, para que a vaiades preparando. 

MAGOSTO E DÍA DO PEÓN 2019

     A celebración do magosto é unha das máis antigas tradición galegas. Esta festa coincide coa época da recollida da castaña polo que, entre outros aspectos, ten un carácter de agradecemento da colleita recibida.

   Nós celebramos o magosto cuns bailes no pavillón, por mor do mal tempo, e despois degustamos as castañas asadas, para rematar bailando os peóns... porque como di o refraneiro galego "Polo San Martiño, peóns ao camiño".

   Velaí tedes uns vídeos do ben que o pasamos.

Magosto e Peón 2019

Un novo reto de Illa Fantasía - A capitá Mariana

    Unha nova carta chegou dende Illa Fantasía ao noso cole para seguir coñecendo máis historias impresionantes e fantásticas sobre a Illa e sobre Isótita.

   Nesta ocasión quen nos escribiu foi Deva, a serea gardiá das emocións e das augas.

  Contounos que é mestra e que ensina galego, lingua que se fala en toda Isótita e que consideran lingua da igualdade.

  Tamén nos contou que é moi amiga do Mago Alfa, de Brúxula, de Tatanka Ská ou da Capitá Mariana.

    E falando da Capitá Mariana... dinos que O Mago Alfa a describe así...

"Forte coma un xabaril, sabia coma un unicornio."    

   Ás veces pirata... ás veces serea... muller sabia, decidida  e valente, moi compasiva e solidaria. Posúe poderes extraordinarios como a fortaleza e a intuición, fala coa natureza e domina  todas as habilidades dos animais.

    É a musa de todas as artes, e da música  en especial. Vixía que non lle falte alimento aos unicornios. 

   Muller de auga, nada sempre acompañada de tiburóns e dun Narval, o chamado Unicornio do mar. Navega nun gran Galeón dourado cun unicornio por mascarón e por bandeira ,bordada nas velas, unha grande M violeta.

    Ás veces preséntase como pirata cunha gaivota no ombreiro, outras amósase como serea cun cabaliño de mar por compañeiro, e outras como a respectada Dama Gris co seu inseparable corvo mariño de cor negra, sempre axudando  a  levar a  luz a onde hai escuridade. Por todo isto e coñecida como "A Meiga do mar". 

    É a patroa maior de todas as confradías mariñeiras da illa e tamén gobernadora de Isótita dende que foi habitada.

    Filla dun pescador e dunha mariscadora. A súa nai quedou cega de traballar día tras  día coas mareas na  area das praias, baixo o reflexo da luz do sol, na procura de navallas, ameixas, berberechos... As súas mans teñen a pel endurecida ’ de aferrarse ás rochas cando ía ao percebe. ás minchas, ós mexillóns...

    O seu pai pescaba no cerco da illa. Coas súas nasas ía ás nécoras, aos camaróns e aos polbos, tamén robalizas coa cana  e moita sardiña de arrastre co bo tempo. Tiña unha pequena embarcación chamada A Patexeira Balbina coa que comezou recollendo un cangrexo branco chamado patexo que vendía na illa como fertilizante para  hortas, xardíns e viñedos. Mais onde máis horas pasaba no mar era na súa pequena dorna chamada como a súa filla: " A Mariana" .

    Por último, Deva cóntanos que se queremos coñecer á Capitá Mariana, debemos escribirlle unha carta coa nosa familia contando :

• O importante que é o mar na nosa vila, se hai pescadoras, lonxa, peixarías, mariscadoras, barcos, praias….
• Onde podería atracar o seu galeón dourado "O Stella Maris ".
• Como chegar dende o lugar onde atraque o Galeón ata a nosa escola.

        Pódense empregar fotos,debuxos… e se somos capaces de namorar a Mariana da nosa vila coas nosas cartas, pronto visitará a nosas escola.

       E... como por suposto que estamos desexando coñecer á Capitá Mariana, xa comezamos a escribir as nosas cartas coa axuda das nosas familias.

             Mariana... agardamos con entusiamo a túa visita!!!

NO COUCEIRO POLA IGUALDADE - MARISCANDO A FLOTE

   A semana pasada, mentres falabamos na clase da importancia de que exista igualdade entre homes e mulleres no mundo laboral, dous dos nosos compañeiros comentaron a historia de dúas mulleres da vila que nos impresionou moito, posto que son as únicas de todo Pontedeume que van ao marisqueo a flote.    Como ben sabedes, en Pontedeume hai moitas mulleres que se dedican ao marisqueo a pé, pero ata o día de hoxe, e polo que contan os máis antigos do lugar, só houbo tres mulleres que o fixeran a bordo dunha embarcación, o que se coñece como mariscar a flote con vara.

    A labor que fan é impresionante, non so pola dificultade de mariscar deste xeito, senón tamén por demostrarnos a todos nós que non existen traballos exclusivamente de homes ou de mulleres.

               Ademais, o noso compañeiro Saúl tamén nos trouxo unha nasa para explicar como se capturan os polbos, nécoras ou camaróns. Foi xenial escoitalos!!!

    Moitas grazas Saúl e Hugo por todo o que explicastes sobre o marisqueo en Pontedeume e sobre a igualdade.
    E grazas tamén ás familias por todo o que nos aportan.