ENTROIDO 2020

ENTROIDO 2020

    Desfile de Entroido polas rúas da nosa VILA: PONTEDEUME!!

Grazas ás familias por acompañarnos neste día tan importante para a escola!!!

 A NOSA ACTUACIÓN:  ROMPENDO MOLDES!!!

Á volta do Entroido, queimamos o "Antroido", chorando a súa perda, pero sabendo que para o ano que vén voltará para troulear nas aulas e por todo Pontedeume. Todo o alumnado cantou a cantiga típica da nosa vila para a queima do "Antroido", o "Xa morreu".

XOGOS DE LÓXICA.

Simetrías Locas


Superdominó


Supersaber Tablas.Carrera Loca


Tangram. Figuras con Formas

VISITA DA CAPITÁ MARIANA!!

Esta semana estivo cheo de visitas.  Nesta ocasión da man da Capitá Mariana.

   Chegou pola porta... e como sempre pediu ser recibida como a gran Capitá que é. Todos/as de pé... e o entrar... quedamos abraiados! Non tiña a cadeira de rodas, levaba un bastón. Comentounos que se atopaba moito mellor e que xa estaba case recuperada.

   Estaba moito contenta, xa que cumplimos co reto de crear as palabras ou feitizos de Paz, e trouxonos un xogo para celebralo. Dounos os parabéns a todo o cole, polo traballo que está no corredor da escola.

   Xogamos a adiviñar, a través de pistas, de que muller da tripulación do Stella Maris estabamos a falar.

Tanto 3ºA como 3ªB fixérono moi ben!!! Coñecen a case todas as mulleres da tripulación!! E son 25.

  Para rematar , cantamos o RAP DE ISÓTITA!!!

Aquí deixamos unhas fotiños das dúas clases para que vexades que ben o pasamos!

Charla de ECOEMBES. Reciclando máis e mellor.

    Temos que coidar o noso planeta, debemos vivir nun mundo máis limpo e con menos contaminación, podemos axudar a coidar o medioambiente, somos importantes para mellorar este mundo, ... Estas son algunhas das reflexións que fixo o noso alumnado ao longo das últimas semanas nas aulas. E grazas a este tipo de reflexións, consideramos moi importante recibir formación sobre reciclaxe. 

    Así pois, da man de ecoembes, tivemos unha charla o pasado mércores para ver a importancia de reciclar, e sobre todo de facelo ben. Aprendimos unha morea de cousas sobre os residuos, sobre a forma correcta de reciclar os distintos tipos de envases, dos distintos usos que poden ter os materiais reciclados,...

   Unha das cousas que máis nos impresionou foi que coa reciclaxe axudamos moito a coidar o noso planeta, e que cos materiais reciclados se poden facer miles de cousas (roupa, calzado, libros, bicicletas,...).

   Todo isto parécenos tan importante, que os nenos e nenas de 3º e 4º de Primaria, decimidos que iamos a contar a todos os nosos compañeiros e compañeiras do cole o que nos ensinaron nesta charla, para así poder coidar o noso planeta coa axuda de todos e todas.

Aprendendo con Uxía sobre a discapacidade visual.

   O pasado luns tivemos a sorte de estar acompañados de Uxía, unha mestra con discapacidade visual que nos falou sobre cousas importantes e fundamentais sobre o seu día a día, e que nos demostrou como a base de esforzo, superación persoal e ás veces con axuda de familiares, amigos e amigas, logrou conseguir moitos dos seus soños. É mestra de Educación Primaria, monta a cabalo e fai salto, sae a correr ou a pasear co seu can,... e moitas cousas máis.

     Tamén nos falou sobre a importancia do braille para as persoas con discapacidade, e de cómo se pode axudar a unha persoa con discapacidade visual cando ten que ir a un lugar novo ou non sabe o camiño a seguir.

    Foi unha visita moi bonita e que nos fixo reflexionar moito sobre a axuda, o respecto e a superación persoal.

       Grazas por compartir o teu tempo con nós Uxía!!!

 

NOTA ENTROIDO 2020

Estimadas familias:

O entroido xa está á volta da esquina e chegou a hora de preparar os nosos disfraces. 

Como este ano estamos a traballar o PDI “No Couceiro pola Igualdade”, as nenas e nenos de 3º e 4º iremos “rompendo moldes” coa nosa temática.

As nenas irán de mecánicas. Para iso precisan vir da casa vestidas con pantalón vaqueiro, camiseta ou camisa azul e un pano ou viseira na cabeza. 

Os nenos irán de limpadores. Precisarán vir da casa con pantalón escuro (ou un peto se o teñen), camiseta branca, uns guantes de goma, un trapo e unha viseira.

Como no cole imos a preparar algúns complementos para os disfraces, cada nena e neno terá que traer da casa unha caixa de cereais baleira (ou similar), un rolo de cartón de papel de cociña rematado e un rolo de papel de aluminio (o papel que sobre levarano de volta para a casa). Este material teñen que traelo o luns 10 de febreiro.

As imaxes que aparecen a continuación son a modo de orientación.

Un saúdo e grazas pola vosa colaboración.