ACTIVIDADE DO PLAN DE EDUCACIÓN EMOCIONAL
“PENSAMENTO +”
Estimadas familias:
Os nenos/as deben aprender a pensar en positivo canto antes, sobre todo en tempos de pandemia, polo que dende o centro educativo e dende o segundo ciclo de educación primaria, decidimos propoñer a seguinte actividade que forma parte do Plan de Educación Emocional deste curso.
A idea é ter un bote, un sobre ou un recipiente e que todos os días (se pode ser á mesma hora) escribamos algo bo que nos pasase ese día. Pode ser calquera cousa positiva que vos fixese sentir ben... a amabilidade do caixeiro do supermercado, o rato que xogamos en familia, un baño de escuma… cada un/unha debe identificar as súas alegrías diarias.
IMOS FACER DOUS BOTES: UN NA CASA E OUTRO NO COLE.
Animámosvos a que o fagades xuntos en familia!!
Escribiremos os bos momentos, sen deixalos pasar, para que o noso cerebro pola noite os recorde, e que vaiamos a durmir recordando o bo de cada día. Así as decepcións, os malos momentos ou os menos agradables, quedarán fóra da nosa mente.
Ao escribilo, o noso cerebro fixa eses bos momentos na mente, xa que está programado para recordar as cousas malas e darlle voltas e é necesario ser consciente deste erro e traballar para cambialo.
Se os nenos e nenas dende pequenos pensan en positivo, cando sexan maiores saberán encontrar o vaso medio cheo en lugar de medio baleiro, e serán capaces de facelo de forma automática.
Esta actividade terá unha duración dunha semana, xa que ao chegar o venres leremos entre todos/as os nosos pensamentos e reflexionaremos sobre eles, facendo fincapé na necesidade de mudar os pensamentos negativos polos positivos.
Muy buenas!
ResponderEliminarHaremos el juego! Nos parece una idea estupenda!
Una gran iniciativa. Pensamientos positivos siempre
ResponderEliminar