MAIOS 2021.

  Este curso, como cada ano a finais de abril na nosa escola,  festexamos os Maios.

  Achegamos á escola verdes (fiúnchos, fentos, xestas...)  e flores (margaridas, calas, rosas,...), laranxas e ovos baleiros para facer un Maio por ciclo o xoves 29 de abril. 

  Todos os nenos e nenas, axudados polas mestras e mestres, colaboraron na elaboración destas esculturas na honra da primavera,  contribuíndo un ano máis a que esta tradición perdure na nosa vila.

   O venres 30 vímolos todos xa rematados e preparados para que o alumnado máis vello da escola, en grupos burbulla e gardando a distancia de seguridade, desfilasen con eles polas rúas de Pontedeume para achegalos á Casa da Cultura e participar no concurso de Maios do Concello que se celebrou o sábado 1 de maio.

   A continuación podedes ver unhas fotos e un vídeo sobre a celebración dos Maios 2021 no noso cole, no cal tamén poderedes escoitar e aprender a "Danza do Biouteiro", cantiga tradicional que se adoita cantar por estas datas ano tras ano na nosa vila.

   Agardamos que o disfrutedes.