FACENDO ESCOLA: ACTIVIDADES DO PLAN DE BENESTAR 2020-2021. EDUCACIÓN EMOCIONAL.

ACTIVIDADES DO PLAN DE BENESTAR 2020-2021.

EDUCACIÓN EMOCIONAL

Chegamos ao último trimestre do curso e o alumnado de 4º segue a realizar actividades de educación emocional, neste caso concreto do Plan de Benestar da Xunta de Galicia 2020-2021.

4ºA e 4ºB realizamos catro actividades de cada un dos bloque que a Consellería de Educación contempla dentro deste plan de Educación emocional.

As catro actividades son:

Superpoder.
Un paseo relaxante
En equipo máis fortes
Pechando os ollos.

1º ACTIVIDADE :SUPERPODER .

Esta actividade ten como finalidades a idenficación emocional, empatía, escoita activa e a comunicación expresiva.

Todos temos nalgún momento o soño de ter un superpoder que nos confira esas posibilidades sobrehumanas que nos fagan sentir seres especiais. Entra en xogo a nosa creatividade para abandonarnos á nosa imaxinación. Aquí vos deixamos algunhas fotos deste actividade:

EXPOSICIÓN VIRTUAL

SUPERHEROES E SUPERHEROÍNAS DE 4º A E 4º B

2º ACTIVIDADE: PECHANDO OS OLLOS

Esta actividade ten como finalidades: Empatía, toma de conciencia das propias emocións, escoita activa, comportamento prosocial e cooperación, expresión de emocións, fluír...

Pedímoslles que pechasen os ollos para concentrarse na música relaxante. Mentras lles limos :

“Pensa nunha persoa á que admires ou algún acontecemento que chamase a túa atención. Identifica quen é, por que o admiras, que poderías aprender desa persoa e como poderías dicirllo. Pensa nisto durante uns segundos e unha vez que remates de identficar a persoa, persoas e feitos, abre os ollos e agarda a que o resto dos compañeiros e compañeiras tamén abran os ollos. Non te esquezas da persoa ou feito na que pensaches”.

Posteriormente fixemos a entrega ao alumnado dunhas tarxetas nas que xa se lee “A persoa que máis admiro é…” ou ben “Quero agradecer…” que cumplimentaron moi concentrados/as.

4ºA