A NOSA COMUNIDADE AUTÓNOMA.XOGOS DE CIENCIAS SOCIAIS.

XOGOS .CIENCIAS SOCIAS 3º


Xogo dictalia

DÍA DA POESÍA E DO TEATRO 2.018

Despois do teatro chegou  a poesía de 3º e 4º. Veñen de coñecer a ANTONIO GARCÍA TEIJEIRO que é Premio Nacional de Literatura e tráennos unha escolma de poesías do seu último libro “POEMAR O MAR”.

DÍA DA MULLER

Para conmemorar o "Día Internacional da Muller", este ano o alumnado do CEIP Couceiro Freijomil botou unha ollada á muller que traballa no mar. 

   Os nosos compañeiros/as de 5º e 6º estiveron a investigar sobre os traballos desenvolvidos polas mulleres da nosa zona no ámbito mariño: Mariscadoras, peixeiras, redeiras e traballadoras nas conserveiras. 

   Despois, fixeron un fermoso mural coas informacións destas catro profesións e invitaron a todo o cole a coñecer e valorar o traballo de moitas das súas nais, avoas, tías, veciñas, etc. 

   Por suposto, os nenos e nenas de 3º tamén quixemos participar neste fermoso traballo. 

   Noraboa compañeiros/as!!

Día da muller

CRISTÓBAL COLÓN E MARCO POLO... ALÉN DO MAR

   Como xa sabedes... os nenos e nenas de 3º A e 3º B somos uns auténticos exploradores do mar.

 

   A piques de rematar o 2º trimestre, non queríamos marchar de vacacións se compartir con todos vós os nosos traballos do PDI "Alén do Mar", relacionados coas viaxes de dous grandes exploradores da nosa historia, Cristóbal Colón e Marco Polo.

  Velaí vai un vídeo para que vexades os nosos traballos, pero recordade que tamén están expostos nos corredores do cole. 

   Agardamos que vos gusten.

Cristóbal Y Marco

DÍA INTERNACIONAL DO MAR.

O venres 16 de marzo celebramos na escola o día Internacional do Mar.

Os nenos e nenas de 3º de primaria recitamos unhas poesías  e bailamos o son de : Catro vellos mariñeiros!!


Aquí deixamos un video para que vexades que ben o fixemos:

ANTONIO GARCÍA TEIJEIRO NO COUCEIRO... POEMAR O MAR

  O luns 19 de marzo recibimos a un dos grandes poetas da literatura infantil e xuvenil galega, Antonio García Teijeiro.

   Ten publicada unha extensa obra tanto en galego como en castelán, e como o PDI deste curso está relacionado co mar, non podíamos deixar pasar a oportunidade de ler o seu libro "Poemar o mar", que ademais foi elixido "Premio Nacional de Literatura Infantil e Xuvenil 2017".

 Escoitamos as súas historias, fixemos poemas e recitamos, coñecemos ao seu amigo "Maaarrrrtiño"...  e descubrimos que o mundo da poesía é un mundo marabilloso.

   Velaí vos deixamos algunhas imaxes...

 

                       

      

COÑECENDO AS ALGAS CO ALUMNADO DE 4º DE PRIMARIA

   A semana pasada os nosos compañeiros e compañeiras de 4º de Primaria, xunto coa súa mestra Sabela, fixéronnos unha exposición e charla das algas que están a investigar no PDI “Alén do Mar”.

   Aprendemos un montón de cousas sobre elas. Puidemos velas, tocalas, saber que utilidades poden ter, algunhas curiosidades,... 

   Foi xenial... Parabéns compañeiros e compañeiras polo voso traballo!!!

  Velaí van algunhas imaxes.