PROXECTO INTERCENTROS - O SISTEMA SOLAR

   Este curso, o alumnado de 4º, 5º e 6º de Educación Primaria, estamos a participar nun proxecto intercentros sobre o Sistema Solar.

   A nós tocanos investigar sobre Plutón, e a primeira actividade consistía en enviar unha carta aos demais planetas e ao Sol para presentarnos como "plutonianos", os habitantes do planeta anano máis afastado. 

   Primeiro comezamos investigado sobre Plutón e as súas características...

   Despois escribimos os fragmentos da carta...

   

   E por último, xuntámonos na  biblioteca os cursos participantes para ler as nosas cartas e unilas para enviarllas ao resto de colexios participantes. 

   Agora agardamos impacientes as cartas dos outros planetas, e por suposto tamén do Sol.

IMOS AO CINE.

   Aos nenos e nenas de 4º encántanos o Nadal, e cando nos enteramos de que había un personaxe chamado "Grinch" que o quería roubar, non puidemos evitar querer saber o por qué das súas malvadas intencións, así que fomos ao cine para ver a  súa película.

   Descubrimos que todos temos un corazón no noso interior que... ás veces, se pode volver moi pequeno por estar a vivir momentos difíciles, pero con cariño e boa compañía, medra e medra sen parar ata que todo nos volve a ilusionar.

                                    

UNHA VISITA MOI ESPECIAL DENDE BOCA DE LOBO - ILLA FANTASÍA

   Cada vez que recibimos unha carta de Illa Fantasía propoñendo un novo reto, nós participamos encantados e con moitísimo entusiamo.

   O último era construir un tipi e aprender unha canción india para recibir unha visita moi especial chegada de Boca de Lobo.

   Con tipis feitos, tanto grandes como pequenos, e coa canción aprendida... chegou a ansiada visita...

   Tatanka Ská!!!!

   Visitou o noso cole o pasado venres 14 de decembro, e contounos fermosas historias sobre a súa familia e sobre o seu Lunicornio.

   E falando de Lunicornios... Tatanka Ská tamén nos propuxo un novo reto... atopar Lunicornios por Pontedeume a partires do sábado 22 de decembro.

   Por suposto que... nós sairemos ás rúas da nosa vila para superar este novo reto entre todos.

   Velaí vos deixamos algunhas imaxes desta fermosa actividade.

   Agardamos que vos guste tanto como a nós.

ELABORACIÓN DO PRATO DO MES - DECEMBRO

   Como ben sabedes, no colexio estamos a traballar no PDI sobre a alimentación "Bo Proveito", e unha das actividades realizadas é a que se nos propuxo dende o Equipo de Dinamización da Lingua Galega denominada "Prato do Mes" (Preme aquí para ver máis información sobre esta actividade)

   Dita actividade consiste en que cada curso elabore unha receita para un mes do ano. A nós tocounos o mes de Decembro, e velaí tedes a nosa proposta gaStronómica para esta época do ano.

   Lasaña de Cogomelos como prato principal e Nevadiños para o postre.

   Agardamos que vos guste e... 

   Bo proveito!!

 

VISITA Á CASA DA CULTURA PARA VER A EXPOSICIÓN HOMENAXE AO PINTOR EUMÉS ABELARDO MIGUEL

    O pasado mércores 5 de decembro, o alumnado de 4º de Primaria realizou unha visita á Casa da Cultura de Pontedeume para gozar da "Exposición - Homenaxe ao pintor eumés Abelardo Miguel no centenario do seu nacemento".

   Abelardo Miguel López (1918 - 1991) naceu na rúa da Pescadería de Pontedeume. Foi o quinto de once irmáns dunha familia de pescadores, unha orixe maiñeira que influiría decisivamente na súa obra. Debuxou dende a súa máis tenra infancia, sendo a pintura o seu acto vital por excelencia. Estudou na Escola de Artes da Coruña, realizando a súa primeira exposición con dez anos nunha tenda de tecidos de Pontedeume.

   Abelardo Miguel  é Pontedeume. tanto a súa vida como a súa obra xiraron arredor da nosa vila e contorna, do seu mar e das súas xentes, sobresaíndo todo isto nos seus óleos cun estilo particular  e incomparable. Ninguén retratou Pontedeume e ás súas xentes como Abelardo Miguel, de ahí que a súa vila natal lle brindase esta homenaxe.