PDI "No Couceiro pola Igualdade" - Conmemoración do Día Internacional da Discapacidade.

   O día 3 de decembro conmemórase o Día Internacional da Discapacidade, é no Couceiro non iamos ser menos!!

   Como xa sabedes, este curso, o noso PDI versa sobre a igualdade, polo que traballamos co noso alumnado este termo no sentido mais amplo. Así pois, falamos da igualdade de xénero, igualdade racial, igualdade de clases sociais,... e por suposto tamén falamos da igualdade entre persoas con ou sen discapacidade. 

   O alumnado de Educación Infantil elaborou un mural, tomando como referencia o cartel  da "Confederación Salud Mental de España".

   Elaboraron este mural debuxando iconos das distintas discapacidades existentes, para agruparnos a todos/as baixo o mesmo paraugas. 

   Nas aulas de 3ª A e B estivemos  falando e reflexionando moito sobre este tema. Comezamos cunha gran choiva de ideas para saber que coñecía o noso alumando sobrea discapacidade, para despois ver dous cortos moi interesantes.

 O primeiro foi " Cuerdas", o cal nos fixo reflexionar sobre a discapacidade motórica, e pensar en todas as cousas que podemos facer para que as persoas que nos reodean, teñan ou non discapacidade, se sintan valoradas, queridas e integradas na nosa sociedade.

    A continuación podedes ver o corto clicando na imaxe.

   Tamén visionamos o corto de "Tamara", unha nena que soña con ser bailarina, e á que lle encanta bailar mentres a súa caixa de música emite unha fermosa melodía. E, a pesar de ter unha discapacidade auditiva e non poder escoitar dita melodía, Tamara non perde o sorriso nin as ganas de bailar. Demostrándonos a todos e todas que, a pesar das discapacidades ou limitacións que poidamos ter, sempre seremos capaces de facer moitísimas cousas por nós mesmos, e cumprir  así moitos dos nosos soños.

   Clicade na imaxe sI queredes ver o corto.

   E para rematar a semana, o xoves recibimos no noso cole a visita de mozas e mozos de ASPACE Coruña.

   Faláronnos do que é a parálise cerebral, de como é o seu día a día, mostráronnos que todas as persoas nos podemos expresar e comunicar o que sentimos ou queremos, ensináronnos como aprenden, como fan deporte, como viaxan ou como elaboran fermosos materiais. Pero sobre todo nos demostraron que, ao igual que todos nós, son capaces de facer miles de cousas por si mesmos. Incluso teñen o seu propio programa de radio, chamado "La radio de los gatos".

   E así rematou a nosa semana, na que se conmemorou o Día Internacional da Discapacidade, e na que podemos dicir moi alto e claro...

"NO COUCEIRO POLA IGUALDADE" 

Vídeo- 25 Noviembre 2019

O día 25 de Novembro , o alumnado de Educación Infantil e de 1 º a 4º de Educación Primaria visionamos este  video que nos envíaron de Illa Fantasía. 

Xogos Sol e Lúa

https://www.mundoprimaria.com/juegos-educativos/juegos-ciencias/juego-sol-luna

Xogos de Ortografía

https://www.mundoprimaria.com/juegos-educativos/juegos-lenguaje/ortografia/ort-tercero

Xogos matemáticos

https://www.mundoprimaria.com/juegos-educativos/juegos-matematicas/numeros/num-segundo

Club das Letras: A narradora do deserto. 1º trimestre

 CLUB DAS LETRAS: A NARRADORA DO DESERTO
1º Trimestre

   Este ano na escola estamos levando a cabo un proxecto chamado: "O Club das letras". É un proxecto de innovación educativa co obxectivo de potenciar o emprendemento, o pensamento crítico e creativo nas área das Humanidades, as Artes e as Ciencias Sociais. Cada ano partirá dunha temática concreta sobre a que se fomentará a reflexión, a lectura crítica e a achega a novos materiais e perspectivas, abordada de xeito transversal.  Para o curso 2019/2020 o tema escollido é a igualdade (contribución desde un punto de vista literario, artístico, filosófico ou histórico a cuestións relacionadas coa visibilización das mulleres, do seu rol na sociedade e/ou representación das mulleres ao longo da historia).

Durante tres sesión consecutivas, na biblioteca do cole, a mestra Maria Cascallar (membro da BE), traballou coa aulas de terceiro a obra; A NARRADORA DO DESERTO.

Unha historia increíble que conta a vida de Amira, unha coidadora de cabras, que desexa que chegue o final do día para facer o que máis lle gusta... narrar contos!!

 

A través desta historia coñecemos outras historias como o conto: "As mil e unha noite" e a súa protagonista Sherezade (a nai de todos os contos do Mundo Oriental , que loitou pola súa vida e a das mulleres do reino a través de contar contos o Sultán do reino.)

Vimos dous vídeos na aula para comprender mellor o que imos traballando na biblioteca.

Reflexionamos sobre o papel das mulleres neste conto e sobre o que fixo Sherezade.

Foi moi interesante!!

A continuación, elaboramos unha composición de texto escrita  que podedes ver a continuación.

Outra das historias que tamén coñecemos foi a de "Simbad o mariño". Un pobre cargador do porto de Bagdad que soñaba con saír da pobreza e que se embarcou para vivir moitas aventuras e superar grandes dificultades para poder mellorar a súa situación persoal. Logo de ler as súas aventuras, fixemos unha composición escrita que podedes ver nos corredores do noso cole.

2ª SESIÓN : Nesta sesión seguimos coa lectura da historia de Amira e falamos do traballo de investigación de Sherezade e de Simbad.
Sorprendeunos moito a historia... Amira emigraba do seu pobo pola falta de nenos/as para contar historias.
Mari contounos como moitas mulleres e homes teñen que marchar das súas casas para buscar unha vida mellor deixando toda a súa vida. Visionamos un documental elaborado polo marido de Mari Cascallar onde puidemos ver esceas reais de persoas  que viaxan nunha patera e como moitos deles ás veces non sobreviven.

 

   

Nesta ocasión , tamén nos sorprendeu cunha nova investigación.

Neste caso : A LENDA DA PONTE DE PEDRA-LENDA DA PONTE DO DEMO.

Buscamos información nas nosas casas e mais na escola e aprendimos que a lenda da ponte de pedra ten moitas versións.

Nos quedamos con esta versión (premede na imaxe para coñecer a lenda).

Un compañeiro da clase ata escribiu a información na casa do avó para poder contala aos compañeiros/as.

3ª SESIÓN:  Nesta última sesión coñecemos o final da historia de Amira, un final que nos emocionou e nos fixo reflexionar sobre a situación de miles de persoas que, como Amira, sofren as consecuencias da guerra, da fame ou da seca, e que teñen que emigrar do seu pobo natal na procura dun mundo mellor, embarcándose nunha viaxe incerta e perigosa que non sempre ten un final feliz.

No caso de Amira, o seu final acaba nun centro para inmigrantes cun encontro moi especial. Pero como o libro nos encantou, e o seu final queda moi aberto, decidimos que nas aulas escribiremos distintos finais para o conto "A narradora do deserto".  E tamén, ao igual que Amira, crearemos contos e historias a partir de contos populares ou libros  que temos na biblioteca, para así poder contarllos aos compañeiros e compañeiras do cole.

Cando os teñamos tamén quedarán expostos nos corredores do noso cole ou na Biblioteca.

Agardamos que vos gusten os nosos traballos!!!

                

                

25 -N Bótalle un cabo a igualdade e a non violencia

 Unha nova carta chegou dende a Illa. Nesta ocasión o Mago Alfa contanos que hai un problema enorme .. a serea Saladina cortouse cunha lata que había no mar. Dinos que isto sucedeu por culpa dos habitantes do noso planeta que estamos a encher o mar de lixo!!!

Grazas a Dama Gris que cunha mestura de : sal, algas Nori, cunchas de santiaguiños e herbas de namorar consigue cauterizar a ferida e a serea curase. Pero aínda así, na Illa e en Isótita están moi preocupados!! Estamos contaminando o mar!! Polo que necesitan axuda!!

Tamén conta a carta que a finais de novembro, para entrar en Isótita, os habitantes levan unha pulseira de cor violeta ( cor desta cidade sumerxida). As algas nori , en Isótita, simbolizan  a non violencia e a igualdade. As empregan como alimento e  tamén as deixan secar anudadas aos troncos das árbores ou colgadas das súas pólas cando finaliza  o mes de novembro, lembrando cando se creou Isótita.


O Mago Alfa fala da importancia de pedir axuda á capitá Mariana para  salvar os océanos, polo que necesita consultar O  libro Prohibido, O Gran Libro Violeta, onde se recolle o nome das mulleres máis poderosas da Illa: Mulleres de auga, de lume, de aire e de terra.


A capitá Mariana necesita unha tripulación moi especial, polo que é necesario consultar o libro Prohibido e formar así a súa tripulación.


Nesta ocasión , o Mago Alfa coméntanos que si querermos celebrar, ao igual que na Illa, a liberdade, a igualdade e a non violencia, realicemos obxectos violetas reciclando e empregando mateirais o máis naturais posibles e escribir palabras contra a violencia de xénero neles. Desta forma, entre todos/as contruiremos un gran cabo que una Isótita coa nosa escola, e as palabras que escribimos formarán parte do Gran Libro da Illa.

Todo o cole, celebrará o día 25 de novembro seguindo as indicacións do Mago Alfa. Polo que trouxemos ,das casas, rolos de papel hixiénico para reciclar e pintar de violeta e con papeis reciclados escribimos palabras contra a violencia de xénero.


Aquí deixamos algunas fotos do noso traballo:

Con todos os rolos de papel , fixemos un gran cabo que uniu  a nosa escola con Isótita e colgamos una lona da cidade sumerxida de Isótita para simbolizar o acto.

Chegou o día!! Día 25 de novembro de 2019.


Conmemoramos o día no cole. Todo  o alumnado se xuntou na entrada e escoitamos un maravilloso discurso da mestra Damaris, que nos falou sobre a importancia de aprender a convivir.
Explicounos que aínda que somos diferentes... somos iguais, e que a base para conseguilo, versa nos tres principios de Isótita: LIBERDADE, IGUALDADE E NON VIOLENCIA!!


A  profe Cris , coa axuda dos titores/as, preparamos una canción para cantar e bailar neste día tan importante. Vivir de Rozalén e Estopa.